Azərbaycanda mobil cihazlarda “Android”in bazar payı 84 %-ə çatıb

Ötən il Azərbaycanda mobil cihazlarda “Android” əməliyyat sisteminin bazar payı 83,82 % təşkil edib.

“Report”un “Statcounter” agentliyinin dekabr hesabatına istinadən verdiyi məlumata görə, bu, bir il əvvəlki göstərici ilə müqayisədə 0,99 faiz bəndi çoxdur.

Hesabat dövründə “İOS” əməliyyat sisteminin bazar payı 0,64 faiz bəndi və ya 3,9 % azalaraq 15,83 %-ə düşüb.

Ötən il ərzində planşetlərdə "Android”in bazar payı 3,86 faiz bəndi artaraq 72,38 %-ə çatıb.

Həmin cihazlarda “İOS”un bazar payı 27,58 % təşkil edib ki, bu da bir il əvvəlki göstərici ilə müqayisədə 3,9 faiz bəndi azdır.