Azərbaycanda kompüterlərin bazar payı fevralda kəskin artıb

Bu ilin fevral ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 67,7 % təşkil edib.

“Report”un “Statcounter” agentliyinin fevral hesabatına istinadən verdiyi məlumata görə, bu, yanvara nisbətən 8,78 faiz bəndi, bir il əvvəlki göstərici ilə müqayisədə isə 1,26 faiz bəndi azdır.

Kompüterlərin bazar payı müvafiq olaraq 8,82 faiz bəndi artaraq və 0,82 faiz bəndi azalaraq 31,51 % olub.

Fevralda planşetlərin bazar payı 0,79 %-də qərarlaşıb ki, bu da yanvara nisbətən 0,05 faiz bəndi, bir il əvvəlki göstərici ilə müqayisədə isə 0,44 faiz bəndi azdır.