Azərbaycanda kompüterlərin bazar payı artmaqda davam edir

Bu ilin avqust ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 72,79 % təşkil edib.

“Report”un “Statcounter” agentliyinin avqust hesabatına istinadən verdiyi məlumata görə, bu, iyul ayına nisbətən 2,93 faiz bəndi az, bir il əvvəlki göstərici ilə müqayisədə isə 2,57 faiz bəndi çoxdur.

Kompüterlərin bazar payı iyula nisbətən 2,98 faiz bəndi artaraq, 2023-cü ilin avqust ayı ilə müqayisədə 2,27 faiz bəndi azalaraq 26,29 % olub. Bu elektron cihazların bazar payı ardıcıl olaraq ikinci aydır artmaqda davam edir.

Avqustda planşetlərin bazar payı 0,92 %-də qərarlaşıb ki, bu da iyula nisbətən 0,05 faiz bəndi, bir il əvvəlki göstərici ilə müqayisədə isə 0,29 faiz bəndi azdır.