Azərbaycanda ilk dəfə elmə dair innovasiya ekosistemi istifadəyə veriləcək

Azərbaycanda ilk dəfə texnologiyaların transferi və elmin kommersiyalaşdırlması üzrə onlayn platformanın innovasiya ekosistemi istifadəyə veriləcək.

"Report" xəbər verir ki, bunu “Azərbaycanda Yüksək Texnologiyalar Parkının istismar proqramı: tətbiq və potensialın artırılması” layihəsi çəçivəsində Bakıda - Azərbaycan Texniki Universitetində keçirilən forumda Parkın baş direktoru Vasif Abbasov bildirib.

O, həmçinin deyib ki, bu ilin mart ayından hər ay koreyalı mütəxəssislərin təqdimatında “Bilik laboratoriyası” formatında texnologiyaların kommersiyalaşdırılması, əqli mülkiyyət, startap və inkubasiya, universitet-sənaye əməkdaşlığı istiqamətləri üzrə 7 onlayn mühazirədə 200-dən çox benfisiar qrup üzvü üçün təlimlər keçirilib.