Azərbaycanda İKT sektorunda məhsul istehsalı 9,4 % artıb

Azərbaycanda bu ilin yanvar fevral aylarında informasiya və rabitə sektorunda 322,5 milyon manatlıq məhsul istehsal edilib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 9,4 % çoxdur.

Təkcə fevralda bu sektorda 157,6 milyon manatlıq məhsul istehsal olunub ki, bu da əvvəlki aya nisbətən 4,4 % azdır.

Xatırladaq ki, bu ilin yanvar-fevral aylarında Azərbaycanda 18 milyard 576,9 milyon manatlıq və ya əvvəlki ilin eyni dövrü ilə müqayisədə 5 % çox ümumi daxili məhsul istehsal olunub.