Azərbaycanda Dövlət İnvestisiyalarının İdarəedilməsi İnformasiya Sisteminin yaradılmasına çəkiləcək xərc açıqlanıb

Azərbaycanda Dövlət İnvestisiyalarının İdarəedilməsi İnformasiya Sisteminin yaradılması və əlaqədar xidmətlərin satın alınmasına 3 milyon 98 min 169 manat vəsaitin yönəldilməsi planlaşdırıllr.

Bu barədə "Report" dövlət satınalmalarının vahid internet portalına istinadən xəbər verir. Bu, “Azərbaycan Respublikası İqtisadiyyat Nazirliyinin Tikinti-Təchizat Birliyi” MMC-nin elan etdiyi satınalma şərtlərində öz əksini tapıb.

Təchizatçılar tenderdə iştirak üçün təkliflərinin təqdim edilməsi ilə bağlı 25 manat istifadə haqqı və 1 000 manat iştirak haqqı ödəməlidirlər.

İştirak haqqı təchizatçıların sayının üçdən az olmasına görə satınalmanın baş tutmadığı hallar istisna olmaqla, istifadə haqqı isə heç bir halda geri qaytarılmır.

Təkliflər fevralın 18-i saat 17:30-a kimi təqdim edilməlidir. Zərflər həmin gün eyni saatda açılacaq.