Azərbaycan və ISDB bulud texnologiyaları üzrə əməkdaşlığın genişləndirilməsini müzakirə edib

Azərbaycan və İslam İnkişaf Bankı (ISDB) Qrupu arasında bulud texnologiyaları sahəsində əməkdaşlığın genişləndirilməsi müzakirə edilib.

"Report" xəbər verir ki, bunu rəqəmsal inkişaf və nəqliyyat naziri Rəşad Nəbiyev "Twitter"də bildirib.

"Ölkəmizdə səfərdə olan İslam İnkişaf Bankı Qrupunun prezidenti Məhəmməd Süleyman Əl-Casirin rəhbərlik etdiyi nümayəndə heyəti ilə görüşdük. Aviasiya, dəmir yolu nəqliyyatı və bulud texnologiyaları sahələrində əməkdaşlığın genişləndirilməsi imkanlarını müzakirə etdik.Bankın maliyyə dəstəyi ilə həyata keçirilə biləcək prioritet layihələr barədə fikir mübadiləsi apardıq", - deyə o qeyd edib.