Azərbaycan martda noutbuk istehsalını 44 dəfə artırıb

İKT
  • 15 aprel, 2025
  • 16:02
Azərbaycan martda noutbuk istehsalını 44 dəfə artırıb

Bu ilin yanvar-mart aylarında Azərbaycanda 1 402 ədəd noutbuk, 1 640 ədəd stolüstü kompüter istehsal edilib.

“Report” Dövlət Statistika Komitəsinə istinadən xəbər verir ki, bunlar, 2024-cü ilin eyni dövrü ilə müqayisədə müvafiq olaraq 75 % və 3,6 dəfə çoxdur.

Təkcə martda isə ölkədə 750 ədəd noutbuk və 100 ədəd stolüstü kompüter istehsal edilib. Bunlar isə 1 il əvvələ nisbətən müvafiq olaraq 44 dəfə və 3 dəfə çoxdur.

2024-cü ildə Azərbaycanda 1 715 ədəd noutbuk, 2 139 ədəd stolüstü kompüter istehsal edilib. Bunlar, 2023-cü illə müqayisədə müvafiq olaraq 3 dəfə çox və 43,3 % azdır.