Azərbaycan “Kazan Digital Week” beynəlxalq forumunda iştirak edəcək

Azərbaycan sentyabrın 20-22-də Rusiyanın Tatarıstan bölgəsinin paytaxtı Kazanda keçiriləcək “Kazan Digital Week” ("Kazan Rəqəmsal Həftəsi") beynəlxalq forumunda iştirak edəcək.

“Report” bu barədə xarici mətbuata istinadən xəbər verir.

Məlumata görə, tədbirə Azərbaycanla yanaşı Ermənistan, Belarus, Bolqarıstan, Braziliya, Vyetnam, İndoneziya, İran, Qazaxıstan, Qırğızıstan, Monqolustan, Nigeriya, Birləşmiş Ərəb Əmirlikləri, Peru, Makedoniya və Türkiyədən qonaqlar qatılacaq.

Forumla birgə sərgi də təşkil ediləcək. Sərginin ümumi sahəsinin 3,2 min kvadratmetr olması, ərazidə 115 stendin quraşdırılması planlaşdırılır.