"ASAN Login"də qeydiyyatdan keçmək yalnız “Video qeydiyyat” üsulu ilə mümkün olacaq

Mayın 1-dən Azərbaycanda "ASAN Login"də qeydiyyatdan keçmək yalnız “Video qeydiyyat” üsulu ilə mümkün olacaq.

"Report" xəbər verir ki, bu barədə Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzi məlumat yayıb.

Məlumata görə, gələn aydan "Mobil nömrə ilə" qeydiyyat ləğv olunacaq.

“ASAN Login” sistemi dövlət və özəl qurumlar tərəfindən göstərilən elektron xidmətlərdən istifadə etmək üçün yaradılmış vahid giriş sistemidir. Sistem vasitəsilə müxtəlif platformalarda eyni şəxsin fərqli istifadəçi məlumatlarının yaranmasının qarşısı alınır.