“Apple”nin Azərbaycanın planşet bazarındakı payı 12 %-dən çox azalıb

2023-cü ildə Azərbaycanın planşet bazarında “Samsung”un payı 56,2 % təşkil edib.

“Report”un “Statcounter” agentliyinin dekabr hesabatına istinadən verdiyi məlumata görə, bu, bir il əvvəlki göstərici ilə müqayisədə isə 1,58 faiz bəndi çoxdur.

İkinci pillədə qərarlaşan “Apple”nin bazar payı bir il ərzində 3,9 faiz bəndi və ya 12,4 % azalaraq 27,58 %-ə enib.

Hesabat dövründə “Xiaomi”nin bazar payı 3,8 faiz bəndi artaraq 8,02 % təşkil edib.

Dördüncü pillədə qərarlaşan tanınmayan brendin bir il ərzində bazar payı 0,07 faiz bəndi azalaraq 3,9 %-ə düşüb.

İlk beşliyi 1,28 %-lik (-3,54 faiz bəndi) bazar payı ilə “Huawei” qapayır.