Ağ Evin tvitter hesabları Bayden rəhbərliyinə təhvil verildi

Ağ Evin tvitter sosial şəbəkəsində olan rəsmi hesabları inaqurasiyadan sonra ABŞ prezidenti Co Baydenin administariyasına təhvil verilib.

“Report”un məlumatına görə, bu barədə tvitter rəsmisi Nik Paçilio deyib.

Söhbət Ağ Ev (@WhiteHouse), ABŞ prezidenti (@POTUS), vitse-prezident (@VP), birinci xanım (@FLOTUS) və mətbuat katibi (@PressSec) hesablarından gedir.

Bundan başqa vitse-prezident Kamala Harrisin həyat yoldaşı Daq Emhoff üçün xüsusi hesab (@SecondGentleman) hesab yaradılıb.