Yuxarı

Azərbaycanın qadın güləşçiləri dünya çempionatını 1 qızıl və 1 bürünc medal ilə başa vurub

Azərbaycanın qadın güləşçiləri dünya çempionatını 1 qızıl və 1 bürünc medal ilə başa vurub
Afinada keçirilən yeniyetmələr arasında dünya çempionatında qadın güləşçilərin mübarizəsinə yekun vurulub

Bakı. 8 sentyabr. REPORT.AZ/ Yunanıstanın paytaxtı Afinada yeniyetmələr arasında keçirilən dünya çempionatında qadın güləşçilərin mübarizəsinə yekun vurulub.

"Report"un məlumatına görə, Azərbaycan yığması son yarış günündə daha bir medal qazanıb.

40 kq çəkidə yarışan Ayşən Yusifova ilk görüşdə gürcüstanlı Maryam Karelidzeni 63 saniyəyə yensə də, yarımfinalda bolqarıstanlı Petya Zarkova Delçevaya yenilib - 2:4. Lakin bürünc medal uğrunda qarşılaşmada o, ukraynalı Amina Ponomaryovanı 7:4 hesabı ilə üstələyib və fəxri kürsünün 3-cü pilləsinə qalxıb.

Beləliklə, Azərbaycanın qadın güləşçiləri dünya çempionatında 1 qızıl, 1 bürünc medala sahib olub. Qızıl medalı ötən gün Şahanə Nəzərova (38 kq) əldə edib.

Daha əvvəl yunan-Roma güləşçilərinin mübarizəsində Qurban Qurbanov (42 kq) qızıl, Nihad Məmmədli (46 kq) və Zaur Əliyev (50 kq) gümüş medala sahib olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi