Yuxarı

Azərbaycan millisinin heyətinə daha bir futzalçı dəvət edilib

Azərbaycan millisinin heyətinə daha bir futzalçı dəvət edilib
Yığmanın məşqi 1 dəqiqəlik sükutla başlayıb

Bakı. 19 yanvar. REPORT.AZ/ Futzal üzrə Avropa çempionatının final mərhələsinə hazırlaşan Azərbaycan millisinin heyətinə daha bir oyunçu cəlb olunub.

“Report” xəbər verir ki, baş məşqçi Joze Alesio Da Silva Nihat İsmaylovu da yığmaya çağırıb. Təlim-məşq toplanışı çərçivəsində yanvarın 23-də və 24-də İranla iki yoxlama matçı keçirəcək milli bu gün Bakı İdman Sarayında növbəti məşqinə çıxıb. Hazırlıq prosesi 20 Yanvar Şəhidlərinin xatirəsinin 1 dəqiqəlik sükutla yad edilməsi ilə başlayıb.

Məşqə 16 futzalçı qatılsa da, onlardan biri - Thiaqo Teles Martins yüngül zədəsi olduğu üçün fərdi şəkildə çalışıb.

Qeyd edək ki, Azərbaycan millisi yanvarın 30-dan fevralın 10-dək Sloveniyanın paytaxtı Lyublyanada keçiriləcək Avropa çempionatının final mərhələsində iştirak edəcək. Joze Alesio Da Silvanı rəhbərlik etdiyi kollektiv qrup oyunları çərçivəsində fevralın 2-də Fransa, fevralın 4-də isə İspaniya yığması ilə qarşılaşacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi