Yuxarı

Azərbaycan millisinin dünya çempionatının seçmə mərhələsi üçün heyəti açıqlanıb

Azərbaycan millisinin dünya çempionatının seçmə mərhələsi üçün heyəti

Çimərlik futbolu üzrə Azərbaycan milli komandasının Rusiyanın paytaxtı Moskvada keçiriləcək dünya çempionatının seçmə oyunları üçün heyəti açıqlanıb.

"Report" AFFA-nın rəsmi saytına istinadən xəbər verir ki, iyulun 17-dən başlanacaq matçlara 12 oyunçu çağrılıb. Bunlar Elçin Qasımov, Comərd Baxşəliyev, İlkin Hacıyev, Amid Nəzərov, Orxan Məmmədov, Asif Zeynalov, Ramil Əliyev, Elşad Manafov, Renat Sultanov, Elgiz Kərəmli, Sabir Allahquliyev və Rafiq Kərimovdur.

Milli iyulun 19-da, 21-də və 22-də müvafiq olaraq Ukrayna, İspaniya və Latviya yığmaları ilə qarşılaşacaq.

Qeyd edək ki, iyulun 28-dək davam edəcək seçmə mərhələnin 5 ən yaxşı komandası 21 noyabr - 1 dekabrda Paraqvayda keçiriləcək dünya çempionatına vəsiqə qazanacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi