Bakı. 5 iyul. REPORT.AZ/ Finlandiyada yeniyetmə cüdoçular arasında Avropa çempionatında böyük uğura imza atmış cüdoçularımız Vətənə qayıdıblar.
Cüdo Federasiyasından "Report"a verilən məlumata görə, mötəbər turnirdə 3 medal qazanmış milli komandanın üzvlərini Heydər Əliyev adına Binə Hava Limanında federasiya rəsmiləri, idman ictimaiyyətinin nümayəndələri və bir qrup azarkeş böyük coşqu ilə qarşılayıblar.
Qeyd edək ki, Avropa çempionatında cüdoçularımızdan Rövşən Əliyev (50 kq), Əhməd Yusifov (55 kq) qızıl, Raşxan Baxşəliyev (50 kq) isə bürünc medala sahib olublar.