Qaradağın icra başçısı Avropa Boks Konfederasiyasında rəhbər vəzifəyə seçilib

Bakı. 16 aprel. REPORT.AZ/ İtaliyanın Assizi şəhərində Avropa Boks Konfederasiyasının (EUBC) Baş Assambleyası keçirilib. 

"Report"un məlumatına görə, tədbirdə EUBC-nin vitse-prezident postlarına və İcraiyyə Komitəsinə seçkilər də baş tutub.

Öncə qurumun ikinci şəxslərinin adlarına aydınlıq gəlib. Səsverməyə əsasən, rusiyalı Vladimir Tebekin və almaniyalı Yurgen Kyuas vitse-prezident seçiliblər. İcraiyyə Komitəsinin yeni tərkibi də müəyyənləşib. Azərbaycan Boks Federasiyasının vitse-prezidenti Süleyman Mikayılov 12 üzvdən biri seçilib.

Qeyd edək ki, Bakının Qaradağ rayonunun icra başçısı olan S.Mikayılov, eyni zamanda, Beynəlxalq Həvəskar Boks Assosiasiyasının (AİBA) İcraiyyə Komitəsinin üzvüdür.