Yuxarı

Meksika Qran-prisi “Formula 1”in təqvimindən çıxarıla bilər

Bakı. 10 dekabr. REPORT.AZ/ Meksika Qran-prisi “Formula 1” üzrə dünya çempionatının təqvimindən çıxarıla bilər.

“Report” “Autosport”a istinadən xəbər verir ki, bu barədə Meksika prezidenti Andres Manuel Lopes Obrador bildirib. Dövlət başçısı 2019-cu ildən sonra hökumətin yarışa dəstək vermək niyyətində olmadığını bəyan edib.

Beləliklə, maliyyə dəstəyi olmadan bu ölkədə Qran-prinin təşkili şübhə altına düşüb.

Qeyd edək ki, 21 mərhələdən ibarət “Formula 1” üzrə 2019-ci il dünya çempionatı Avstraliyada “Albert Park” trasında başlayacaq və martın 15-17-də olacaq. Təqvimdə dördüncü sırada yer alan Azərbaycan Qran-prisi aprelin 26-28-də baş tutacaq. Meksika Qran-prisi isə 25-27 oktyabrda təşkil ediləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi