Yuxarı

Hidayət Heydərov Avropanın "Ən yaxşı gənc cüdoçu"su mükafatına layiq görülüb - FOTO

Azərbaycan cüdoçusu qitənin ən mötəbər yarışında birinci yeri tutan ən gənc idmançı olub

Bakı. 23 aprel. REPORT.AZ/ Polşanın paytaxtı Varşavada Avropa Cüdo Birliyinin təşkilatçılığı ilə tədbir keçirilib.

Azərbaycan Cüdo Federasiyasından "Report"a verilən məlumata görə, tədbirdə Beynəlxalq Cüdo Federasiyasının prezidenti Marius Vizer, Avropa Cüdo Birliyinin prezidenti Sergey Soloveyçik, federasiya və idman təşkilatlarının rəhbərləri, habelə Polşanın dövlət rəsmiləri iştirak ediblər.

Mərasimdə son vaxtlar Azərbaycan cüdosundakı inkişaf və qazanılan uğurlar da xüsusi qeyd edilib. Varşavada bütün rəqiblərinə qalib gələrək Avropa çempionu adını qazanan Hidayət Heydərov qitənin ən mötəbər yarışında birinci yeri tutan ən gənc cüdoçu olub. Cüdo Birliyinin rəhbəri Sergey Soloveyçik Azərbaycan cüdoçusuna "Avropanın ən yaxşı gənc cüdoçusu" mükafatını təqdim edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi