Yuxarı

Azərbaycan güləşçiləri Qızıl Qran Pridə 4 medal qazanıblar

Yığma üzvlərindən 3-ü finalda gürcülərlə qarşılaşıb

Bakı. 12 iyun. REPORT.AZ/ Azərbaycan sərbəst güləşçiləri Gürcüstanın paytaxtı Tbilisidə Vaxtanq Balavadze və Givi Kartozia adına Qızıl Qran Pri turnirində 4 medal qazanıblar.

"Report"un məlumatına görə, medallardan 2-si qızıl, 1-i gümüş, 1-i bürünc əyarlı olub. Qalib Əliyev (61 kq) və Aleksandr Qostiyev (86 kq) fəxri kürsünün ən yüksək pilləsinə qalxıb. 57 kq çəkidə mübarizə aparan Mircəlal Həsənzadə gümüş medalla kifayətlənib. Hər üç güləşçi finalda yerli pəhləvanlarla qarşılaşıb.

Bürünc medalı isə 70 kq çəkidə yarışan Coşqun Əzimov əldə edib. Həlledici görüşdə o, komanda yoldaşı Teymur Məmmədovdan üstün olub.

Qeyd edək ki, görüşlərin idarə edilməsində Azərbaycanı beynəlxalq dərəcəli hakim Vaqif Zeynallı təmsil edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi