​Nəqliyyat naziri Qəbələdə vətəndaşlarla görüşəcək

Bakı. 24 avqust. REPORT.AZ/ Nəqliyyat naziri Ziya Məmmədov avqustun 28-də Qəbələ şəhərində vətəndaşları qəbul edəcək. Görüşdə Qəbələ, İsmayıllı və Ağsu rayonlarının sakinləri iştirak edə bilərlər.

Nazirliyin mətbuat xidmətindən "Report"a daxil olan məlumata görə, vətəndaşların qəbulu zamanı onların müraciətlərinə baxılacaq, mövcud nəqliyyat problemləri araşdırılacaq və həll ediləcək.

Qəbula gəlmək istəyən vətəndaşların qeydiyyatı avqustun 26-da saat 09:00-dan 18:00-dək aparılacaq.