Yuxarı
    Bağlamaq

    "Həzi Aslanov" metro stansiyasında eskalator yenidən istifadəyə verilib

    Bu eskalator qaçış məsafəsi son texniki norma həddinə çatdığı üçün fevralın 15-dən təmirdə olub© metro.gov.az

    Bakı. 28 aprel. REPORT.AZ/ Bakıda metronun "Həzi Aslanov" stansiyasında 3 saylı eskalatorun əsaslı təmiri başa çatdırılaraq yenidən sərnişinlərin istifadəsinə verilib. "Bakı Metropoliteni" QSC-dən "Report"a daxil olan məlumata görə, təmir prosesində "ET-5M" tipli eskalatorun bütün hissələri təlimat qaydalarına tam riayət edilməklə müayinə olunub, dəyişdirilməsi zəruri olan detallar, qovşaqlar yenisi ilə əvəz olunub.

    İşlərin yekununda avadanlıqda defektoskopiya yoxlaması aparılıb. Sınaq yürüşündən sonra eskalator istismara qəbul edilib.

    Qeyd edək ki, 3 saylı eskalator fevral ayının 15-də texniki istismar qaydalarının tələblərinə uyğun olaraq, qaçış məsafəsi son texniki norma həddinə çatdığı üçün təmirə dayandırılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi