Bakının bəzi yollarında sıxlıq yaranıb

Bakı. 9 yanvar. REPORT.AZ/ Bu gün səhər saatlarında Böyükşor şosesi, Olimpiya stadionunun qarşısı ("Koroğlu" m/st yaxınlığında) avtonəqliyyatın hərəkətində ciddi sıxlıq yaranıb. Analoji vəziyyət Babək və Nobel prospektlərində də müşahidə olunur.

"Report" xəbər verir ki, Bakı Nəqliyyat Agentliyinin (BNA) sektor müdiri Mais Ağayevin sözlərinə görə, paytaxt yollarında müşahidə olunan sıxlıq şəhər mərkəzi istiqamətində aparılan təmir-tikinti işləri ilə əlaqədar yolun 3 zolağının bağlanması ilə əlaqədardır.