Yuxarı
    Bağlamaq

    Bakıda 4 ərazidə hərəkət qismən və yaxud tam dayandırılacaq

    Hərəkət bəzi yerlərdə səhər, bəzi yerlərdə isə axşam saatlarından məhdudlaşdırılacaq© Courtesy İmage

    Bakı. 3 aprel. REPORT.AZ/ Bu gün saat 11:00-dan axşam saatlarına qədər Bakının Suraxanı rayonunda, Heydər Əliyev prospektindəki "Suraxanı yol qovşağı"nda, həmçinin Səbail rayonunda, Azneft dairəsi - Bayraq Meydanı istiqamətində avtonəqliyyat vasitələrinin hərəkəti rənglənmə işlərinin aparıldığı zolaqlar üzrə hissə-hissə qismən məhdudlaşdırılacaq.

    "Azəravtoyol" ASC-dən "Report"a daxil olan məlumata görə, yolda hərəkət avtonəqliyyat vasitələrinin hərəkətinin tənzimlənməsi məqsədi ilə piyada keçidləri, yolcizgi və yolgöstərici xətlərin yenidən rənglənməsi işləri ilə əlaqədar dayandırılacaq.

    "Bundan başqa, saat 22:00-dan səhər saatlarına qədər paytaxtın Nəsimi rayonunda, Kövkəb Səfərəliyeva və Dilarə Əliyeva küçələrində də analoji işlər aparılacaq. Bu səbəbdən sözügedən küçələrin bəzi hissələrində avtonəqliyyat vasitələrinin hərəkəti tam olaraq, bəzi ərazilərdə isə rənglənmə işlərinin aparıldığı zolaqlar üzrə hissə-hissə qismən məhdudlaşdırılacaq. Sürücülərdən öncədən hərəkət istiqamətlərinə uyğun alternativ yollar seçmələri xahiş olunur", - deyə məlumatda qeyd edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi