Yuxarı

Bakı-Kiyev aviabiletləri ucuzlaşdırılıb

AZAL aviaşirkəti Bakı-Kiyev-Bakı aviareysləri ilə bağlı endirim aksiyası keçirir

Bakı. 15 yanvar. REPORT.AZ/ "Azərbaycan Hava Yolları" (AZAL) QSC Bakı-Kiyev-Bakı marşrutu ilə həyata keçirdiyi aviareyslər üzrə xüsusi aksiyaya start verib. 

AZAL-dan "Report"a verilən məlumata görə, aksiya çərçivəsində Bakı-Kiyev-Bakı reysinə biletin qiyməti 309 avro, Kiyev-Bakı-Kiyev reysinin qiyməti 409 dollar, bu marşrutla birtərəfli reyslərə biletlər isə müvafiq olaraq 219 avro və 289 avroya qədər ucuzlaşdırılıb.

Bu gün başlayan endirimli bilet satışı fevralın 10-dək davam edəcək, uçuşlar isə yanvarın 25-dən martın 15-dək həyata keçiriləcək.

Qeyd edək ki, bu aviabiletin dəyişdirilməsi və qaytarılmasına icazə verilmir. Bu siniflər üzrə mile-ballar hesaba əlavə olunmayacaq. Yerlər məhdud olduğuna görə, uçuşdan 10 gün öncə rəsmiləşdirməni aparmaq lazımdır. Maksimal qalma müddəti isə bir ay olaraq müəyyənləşdirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi