Yuxarı
    Bağlamaq

    "Azrustrans" ilk tranzit daşımalarına başlayıb

    Qazaxıstan Azərbaycan üzərindən Gürcüstana taxıl göndərir

    Bakı. 11 oktyabr. REPORT.AZ/ Bu günlərdə Azərbaycan və Rusiyanın birgə təsis etdiyi "Azrustrans" müştərək müəssisəsi artıq Azərbaycan ərazisindən keçməklə Qazaxıstandan Gürcüstana tranzit taxıl yükünün tədarükünə başlayıb.

    Bunu "Report"a açıqlamasında "Azrustrans" şirkətinin baş direktoru Cavid Quliyev bildirib.

    "Hazırda əsas məqsədimiz Azərbaycan ərazisinə maksimum tranzit yükləri cəlb etmək və onların daşınmasını həyata keçirməkdir. Daşımaların həcmini də artırmağı planlaşdırırıq", - deyə C.Quliyev qeyd edib.

    Hazırda bu sahədə müəyyən çətinliklərin olduğunu qeyd edən C.Quliyev açıqlayıb ki, tədarükçülərdə dəniz daşımaları ilə bağlı bir ənənə formalaşıb. Bu sahədə cəmləşən dövlətlərin də, şirkətlərin də öz maraqları var: "Nə İran, nə Rusiya ilə birbaşa tranzit çıxışımız üçün zəruri infrastrukturumuz yox idi. Bu gün Azərbaycan tranzit ölkə kimi yenicə yüksəlməyə başlayır. Bütün bunların yaxın perspektivdə reallaşması üçün müəyyən zaman lazımdır".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi