Yuxarı
    Bağlamaq

    “Azəristiliktəchizat”ın zərəri 22% artıb

    Səhmdar cəmiyyətin aktivlərinin həcmi ötən il demək olar ki, dəyişməyib

    Bakı. 23 iyun. REPORT.AZ/ “Azəristiliktəchizat” ASC-nin cəmi aktivləri bu il yanvarın 1-nə 191,138 mln. manat təşkil edib.

    “Report” şirkətin maliyyə hesabatına istinadən xəbər verir ki, bu, ötən il yanvarın 1-i ilə müqayisədə 0,3% azdır.

    2016-cı ildə “Azəristiliktəchizat”ın uzunmüddətli aktivləri 2% azalaraq 163,503 mln. manat, qısamüddətli aktivləri isə 10,8% artaraq 27,635 mln. manat olub.

    Hesabat dövründə səhmdar cəmiyyətin cəmi öhdəlikləri 20% artaraq 87,806 mln. manata çatıb. Əvəzində şirkətin cəmi kapitalı 12,8% azalaraq 103,332 mln. manata düşüb.

    “Azəristiliktəchizat” 2016-cı ili 117,283 mln. manat xalis zərərlə başa vurub ki, bu da 2015-ci ilə nisbətən 21,6% çoxdur.

    Xatırladaq ki, “Azəristiliktəchizat” ASC 2005-ci ildə yaradılıb. Onun nizamnamə kapitalı 19,266 mln. manatdır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi