Bakı. 3 avqust. REPORT.AZ/ Azərbaycan bu il Qazaxıstandan yeni elektrovozlar alacaq.
Bu barədə "Report" Qazaxıstan mətbuatına istinadən xəbər verir.
Məlumata görə, Azərbaycanda İxracın və İnvestisiyaların Təşviqi Fondunun (AZPROMO) rəhbəri Rüfət Məmmədov bildirib ki, Azərbaycan Qazaxıstana növbəti ixrac missiyasının həyata keçirilməsinə hazırlaşır: "Qazaxıstana təkcə kənd təsərrüfatı və qida məhsulları deyil, həm də sənaye malları tədarük etmək istəyirik. Eyni zamanda qazaxstanlı istehsalçıları, distribyutorları, şirkətləri də Azərbaycana dəvət etmişik. Artıq bəzi şirkətlər Azərbaycanda tərəfdaş taparaq, müqavilələr imzalayıblar. Qarşılıqlı səfərlər mütəmadi şəkildə təşkil olunacaq".