AZAL növbəti dəfə dünyanın 100 ən yaxşı aviaşirkəti siyahısına düşüb

Bakı. 18 iyul. REPORT.AZ/ "Azərbaycan Hava Yolları" QSC (AZAL) növbəti dəfə dünyanın 100 ən yaxşı aviaşirkətinin siyahısına düşüb və 58-ci yeri tutub.

"Report" bu barədə xarici mətbuata istinadən xəbər verir. 

Xatırladaq ki, ənənəvi reytinq cədvəlini Böyük Britaniyanın "Skytrax" konsaltinq şirkəti tərtib edib. Siyahıda MDB ölkələrindən Azərbaycanla yanaşı, Rusiyanın və Qazaxıstanın milli aviadaşıyıcıları da yer alıb. "Aeroflot" 23-cü yerdə, "Air Astana" isə 48-ci yerdə qərarlaşıb. 

Dünyanın ən yaxşı aviaşirkəti isə  "Singapore Airlines" olub. Növbəti yerləri isə "Qatar Airways" və "ANA All Nippon Airlines" (Yaponiya) tutub. "Türk Hava Yolları" şirkəti isə siyahıda 18-ci olub.