Yuxarı
    Bağlamaq

    Teatr Xadimləri İttifaqında "Kameliyalı qadın" tamaşası hazırlanır

    Səhnə əsərinin premyerası fevralın sonunda olacaq

    Bakı. 21 yanvar. REPORT.AZ/ Azərbaycan Teatr Xadimləri İttifaqının Mustafa Mərdanov səhnəsində fransız yazıçısı Aleksandr Dümanın (oğul) "Kameliyalı qadın" əsəri əsasında hazırlanan tamaşanın premyerası keçiriləcək.

    Bu barədə "Report"a tamaşanın rejissoru, əməkdar artist Nofəl Vəliyev məlumat verib.

    Rejissorun sözlərinə görə, hazırda səhnə əsərinin məşqləri davam edir. Tamaşanın premyerası fevralın sonunda olacaq.

    Qeyd edək ki, "Kameliyalı qadın" romanı ilk dəfə 1848-ci ildə çapdan çıxıb. Məşhur italyan bəstəkarı Cüzeppe Verdi 1853-cü ildə "Traviata" operasını yazanda "Kameliyalı qadın" romanına istinad edib. Sadəcə, operada qəhrəmanların bəzilərinin adları dəyişdirilib. Əsər gerçək həyatda baş verən hadisələr əsasında yazılıb. Əsərin baş qəhrəmanı olan qadın, yazıçı Aleksandr Dümanın gerçək həyatda olan sevgilisinin prototipidir.

    Xatırladaq ki, N.Vəliyev Teatr Xadimləri İttifaqının Mustafa Mərdanov səhnəsində bir neçə tamaşa hazırlayıb. Onun quruluş verdiyi Elçin Hüseynbəylinin "Qaçaq qocalar" tamaşası Türkiyədə keçirilən nüfuzlu festivallarda nümayiş etdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi