Yuxarı

"Şuşalı şəhid" adlı film çəkilir

Film Milli Qəhrəman Ramiz Qəmbərova həsr olunub

Bakı.23 yanvar. REPORT.AZ/ Mədəniyyət və Turizm Nazirliyinin "Yaddaş" sənədli filmlər studiyasında yeni filmin istehsalı başa çatmaq üzrədir.

"Report" xəbər verir ki, bu barədə məlumatı Mədəniyyət və Turizm Nazirliyinin mətbuat xidməti yayıb.

Qarabağ müharibəsində Şuşa şəhər özünümüdafiə taborunun komandiri olmuş, Azərbaycanın Milli Qəhrəmanı Ramiz Qəmbərovun həyatından və keçdiyi şərəfli döyüş yolundan bəhs edən filmin ssenari müəllifi və rejissoru Kəmalə Musazadədir.
R.Qəmbərovla bağlı xronikal kadrların da yer aldığı filmdə döyüş yoldaşları və müəllimləri qəhrəman haqqında xatirələrini bölüşür, onun igidliyindən və göstərdiyi şücaətlərdən söhbət açılır.

Qeyd edək ki, "Milli Qəhrəmanlar" silsiləsindən çəkilib, ərsəyə gətirilən iyirmi sənədli film artıq hazırdır. On beş film isə hazırda istehsalın müxtəlif mərhələsindədir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi