Yuxarı
    Bağlamaq

    Silvester Stallone və Mel Gipsonu səsləndirən aktyor vəfat edib

    Bakı. 27 dekabr. REPORT.AZ/ Sovet və Rusiya aktyoru, dublyaj ustası Dmitri Matveyev dekabrın 25-də 65 yaşında vəfat edib.

    “Report” RİA "Novosti"yə istinadən xəbər verir ki, bu barədə aktyorun dostu Oleq Xartulari öz "Facebook" səhifəsində yazıb.

    "Əlvida, Dmitri Nikolayeviç! Mənim əziz tərəfdaşım və böyük dostum. Yerin Cənnət olsun, görüşənədək!", - deyə Xartulari yazıb.

    Dmitri Matveyev Vin Dizel, Silvestr Stallone Mel Gibson kimi məşhur əcnəbi aktyorları səsləndirib. Xüsusilə "Ulduz müharibələri: 4-cü epizod – Yeni ümid" filmində Dart Veyder, "Sıravi Raynı xilas etməli" filmindən sıravi Kaparzonu, "Ölümcül silah - 4" filmindən Martin Riqqz kimi kino personajları onun səsi ilə "danışır". Matveyevin sonuncu işi "Qravitasiya" filmi olub. Aktyor burada Corc Klunini səsləndirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi