Yuxarı
    Bağlamaq

    "Oskar"ın səhv verilməsində günahı olan şəxslər işdən çıxarılacaq

    Bu bəyanatla Amerika Kino Akademiyasının prezidenti çıxış edib

    Bakı. 2 mart. REPORT.AZ/ "Oskar-2017" mükafatının təqdimetmə mərasiminin sonunda "Ən yaxşı film" nominasiyasında qalibin səhv elan edilməsinə görə məsuliyyət daşıyan şəxslər işdən çıxarılacaq.

    "Report" xəbər verir ki, bu bəyanatla Amerika Kino Akademiyasının prezidenti Şeril Bun Ayzeks çıxış edib.

    "Ən yaxşı film" nominasiyasında "Oskar" mükafatını qalib filmə səhv verməyə görə məsuliyyət daşıyan səsvermə qrupunun əməkdaşları daha burada işləməyəcəklər", deyə o bildirib.

    Qəribə hadisə bazar günü keçirilən 89-cu təqdimetmə mərasimində baş verib. "Ən yaxşı film" nominasiyasında qalib elan edilən zaman Uorren Bitti "La-la Lend" ekran əsərinin adını çəkib. Filmin çəkiliş qrupu səhnəyə çıxdıqda isə məlum olub ki, əslində qalib "Ay işığı"dır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi