Yuxarı
    Bağlamaq

    Opera və Balet Teatrı maestro Niyazinin "Rast" baletini nümayiş etdirəcək

    Baletə xalq artisti, SSRİ Dövlət mükafatı laureatı Tamilla Şirəliyeva quruluş verib

    Bakı. 7 oktyabr. REPORT.AZ/ Oktyabrın 12-də Azərbaycan Dövlət Akademik Opera və Balet Teatrında görkəmli Azərbaycan dirijoru və bəstəkarı Niyazinin "Rast" simfonik muğamı əsasında səhnələşdirilmiş eyniadlı balet nümayiş etdiriləcək.

    "Report" xəbər verir ki, ikipərdəli balet tamaşanın süjeti Azərbaycanın tarixinə aid faktlar əsasında qurulub.
    Baletə xalq artisti, SSRİ Dövlət mükafatı laureatı Tamilla Şirəliyeva quruluş verib.
    Libretto müəllifi Əjdər Hacıyev, quruluşçu rəssamı xalq rəssamı Rafis İsmayılovdur.
    Tamaşada Tomris rolunda Tamilla Məmmədzadə, Atr rolunda Timur Oduşev, Banu obrazında isə Səlminaz Mirzəyeva çıxış edəcək.

    Baletin dirijoru xalq artisti, professor Yalçın Adıgözəlovdur.

    Qeyd edək ki, Niyazi "Rast" simfonik muğamını 1949-cu ildə bəstələyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi