Yuxarı

Nikita Mixalkov Bakıda ustad dərsi keçib

Dekabrın 4-də Heydər Əliyev Sarayında onun yaradıcılıq gecəsi olacaq

Bakı. 3 dekabr. REPORT.AZ/ Rusiya Kinematoqrafçılar İttifaqının sədri və Rusiya Mədəniyyət Fondunun prezidenti, görkəmli kinorejissor, aktyor, ssenarist, Rusiyanın xalq artisti Nikita Mixalkov Bakıda ustad dərsi keçib.

"Report" xəbər verir ki, Dövlət Film Fondunda təşkil edilən görüşdə Azərbaycanın kino xadimləri, yaradıcı şəxslər iştirak edib.

Ustad dərsində Nikita Mixalkov azərbaycanlı aktyor və rejissorlara, tələbələrə kino bilgilərindən, film təcrübəsindən danışıb, həmçinin ona ünvanlanan yaradıcı sualları cavablandırıb.

Xatırladaq ki, Rusiyanın görkəmli kino xadimi Nikita Mixalkov 70 illik yubileyi münasibətilə Bakıya yaradıcılıq səfərinə gəlib.

Dekabrın 4-də Heydər Əliyev Sarayında N.Mixalkovun yaradıcılıq gecəsi keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi