Yuxarı
    Bağlamaq

    Musiqili Teatrda “Bankir adaxlı” tamaşası nümayiş etdiriləcək

    Tamaşa Musiqili Teatrın ən çox tələb olunanları sırasındadır

    Bakı. 10 aprel. REPORT.AZ/ Azərbaycan Dövlət Musiqili Teatrda Emin Sabitoğlu və Tamara Vəliyevanın “Bankir adaxlı” iki hissəli musiqili komediyası növbəti dəfə nümayiş olunacaq. 

    Teatrın mətbuat xidmətindən "Report"a verilən məlumata görə, komik situasiyalarla zəngin və dinamik süjet xəttinə malik olan səhnə əsəri hər nümayiş zamanı tamaşaçıların böyük marağına səbəb olur. 

    Məlumata görə, “Bankir adaxlı” Musiqili Teatrın ən çox tələb olunan tamaşaları sırasındadır.

    Tamaşada rolları xalq artistləri Afaq Bəşirqızı, Fatma Mahmudova, əməkdar artistlər Novruz Qartal, Çingiz Əhmədov, aktyorlar Möylə Mirzəliyev, Rəsmiyyə Nurməmmədova, Məhərrəm Qurbanov, Gülcahan Salamova, Gültac Əlili, Əliməmməd Novruzov, Gülnarə Abdullayeva, Hüseyn Əlili, Gülçöhrə Abdullayeva, Ruslan Mürsəlov, Gülnarə Əzizova, Fərid Rzayev və Rəşad Məmmədov ifa edirlər.

    Səhnə əsərinin quruluşçu rejissoru Faiq Zöhrabov, quruluşçu dirijoru əməkdar incəsənət xadimi Nazim Hacıəlibəyov, quruluşçu rəssamı əməkdar rəssam İsmayıl Məmmədov, quruluşçu baletmeysterləri Əməkdar artist Zakir Ağayev və Yelena Ağayeva, dirijoru əməkdar incəsənt xadimi Fəxrəddin Atayev, xormeysteri Əməkdar artist Vaqif Məstanov, rejissor assistenti Elməddin Dadaşovdur.

    Tamaşa aprelin 16-da saat 19.00-da başlayacaq.

    Qeyd edək ki, qiyməti 6 manatdan başlanan biletləri şəhərin bütün teatr-konsert kassalarından və “ASAN xidmət” mərkəzlərindən əldə etmək olar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi