Yuxarı
    Bağlamaq

    Elçin Əzizov Opera və Balet Teatrının səhnəsində çıxış edəcək

    Azərbaycan Dövlət Akademik Opera və Balet Teatrında Traviata operası olacaq

    Bakı. 12 noyabr. REPORT.AZ/ Azərbaycan Dövlət Akademik Opera və Balet Teatrının rəhbərliyi Dövlət Akademik Böyük Teatrının (Rusiya Federasiyası) solisti, Azərbaycanın əməkdar artisti Elçin Əzizovu C.Verdinin “Traviata” operasının tamaşasında Jermon rolunda çıxış etmək üçün dəvət edib.

    "Report" xəbər verir ki, bu barədə Opera və Balet Teatrının mətbuat xidmətinin yaydığı məlumatda bildirilib.

    Noyabrın 30-da baş tutacaq tamaşada Elçin Əzizovla  yanaşı Azərbaycan Opera və Balet Teatrının gənc və istedadlı solistləri İlahə Əfəndiyeva (Violetta) və Fərid Əliyev (Alfred), habelə xalq artisti Əli Əsgərov (Markiz), Əməkdar Artist Səbinə Əsədova (Flora), Anton Ferştandt (Doktor) çıxış edəcəklər.

    Tamaşanı dirijor, beynəlxalq müsabiqələrinin laureatı Əyyub Quliyev idarə edəcək.

    Qeyd edək ki, Elçin Əzizov Böyük teatrda çalışan ilk azərbaycanlı solistdir. O, vokalçıların beynəlxalq müsabiqələrinin laureatıdır. Dünyanın bir sıra ölkələrində uğurlu qastrol səfərlərində olan Elçin Əzizov Rusiya musiqişünasları və teatr tənqidçilərinin müsbət rəylərini alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi