Yuxarı

Direktor: "YUĞ Teatrının binasının söküləcəyi haqda bizə dəqiq bir söz deyilməyib"

Tərlan Rəsulov: Kollektiv hazırda tearın binasındadır

Bakı. 14 yanvar. REPORT.AZ/ "YUĞ Teatrının binasının söküləcəyi haqda bizə dəqiq bir söz deyilməyib".

Bunu "Report" açıqlamasında teatrın direktoru Tərlan Rəsulov bildirib. 

Onun sözlərinə görə, hazırda YUĞ Teatrı əvvəllər fəaliyyət göstərdiyi binadadır və kollektivi heç yerə köçməyib: "Hələlik öz binamızdayıq. Bizə dəqiq bir söz deyilməyib. Əgər binamız söküləcəksə, bundan faciə düzəltmək lazım deyil. YUĞ Teatrı bir binadan ibarət deyil ki? YUĞ düşüncədir, estetikadır. YUĞ-un kollektivi var, tamaşaçıları var. Harada fəaliyyət göstərməyimizdən asılı olmayaraq, tamaşaçılarımız bizi gəlib tapacaq".

Qeyd edək ki, mətbuatda YUĞ Dövlət Teatrının yerləşdiyi binanın söküləcəyi haqda məlumat yayılıb. Teatrın fəaliyyət göstərdiyi bina 16-cı əsrdə inşa olunub. Hamam-binanın Bakıda aparılan abadlıq işlərinə görə söküləcəyi bildirilib. Teatrın yerləşdiyi məkan söküntü ərazisinə düşür. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi