“CinemaPlus”da “Kəklikotu” macəra komediyasının 4x4 aksiyası başlayıb - VİDEO

Bakı. 6 iyul. REPORT.AZ/ İyulun 5-dən etibarən “CinemaPlus” kinoteatrlar şəbəkəsində “Cinemazadeh” studiyasının istehsalı olan “Kəklikotu” macəra komediyasının 4x4 aksiyası başlayıb.

"Report" xəbər verir ki, bazar ertəsindən cümə axşamınadək bütün gün ərzində biletlər cəmi 4 manata satılacaq.

Aksiya bütün yay mövsümünün sonunadək davam edəcək.

Qeyd edək ki, filmdə 20-dən çox məşhur aktyor, müğənni və rejissor təqdim olunub.

Ekran əsərinin baş produseri Cəfər Axundzadə, quruluşçu rejissorlar Cəfər Axundzadə və Vüqar İslamzadə, ssenari müəllifləri Vüqar Hüseynov və Talıb Əhmədov, quruluşçu operator Rəşad Qarayev, bəstəkar Rüstəm Zeynalov, müsiqi üzrə direktor Aynur Axundzadə, icraçı prodüser Tural Əsədov və Xətai Əlidir.

Filmdə Müşfiq Şahverdiyev, Nigar Camal, İslam Mehrəliyev, Əlixan Rəcəbov, Aqil M Quliyev, Məcid Hüseynov, Fərda Amin, Elcan Rəsulov, Kamran Ağabalayev, Ceyhun Zeynalov (Jin), Kənan MM, Oqtay Əliyev, Rövşən Məmmədli, Nofəl Şahlaroğlu, Samir Qulamov, Vüsal Hacıqədir, Oksana Rəsulova, Kamran Həsənli, ABD Malik, Dilarə Kazımova, Şəhriyar Əbilov, Samirə Əfəndiyeva, Xalq artisti Faiq Ağayev və digər tanınmışlar rol alıb.

Meyvə-tərəvəz satmaq üçün paytaxta gedən dayı və bacıoğlu bir nəfərə çatacaq bir kisə kəklikotunu başqasına satırlar. Sən demə, kisədə kəklikotu deyilmiş. Milyonla ölçülən həmin əmanətin yiyəsindən yaxa qurtarmaq isə qəliz məsələdir.

“CinemaPlus” kinoteatrı hər zaman sizlərə xoş sürprizlər etmək və kino tarixində olan ən yaxşı premyeralar ilə sevindirməyə hazırdır.