Yuxarı
    Bağlamaq

    Azərbaycanın Milli Qəhrəmanı haqqında film çəkilir

    Sənədli film Təbriz Xəlilbəylinin həyatından bəhs edir

    Bakı. 6 aprel. REPORT.AZ/ Xalq şairi Xəlil Rza Ulutürkün oğlu, Azərbaycanın Milli Qəhrəmanı Təbriz Xəlilbəyli haqqında sənədli filmin çəkilişlərinə başlanıb.

    "Report" xəbər verir ki, film ADMİU-nun sifarişi ilə çəkilir.

    Milli Qəhrəman haqqında sənədli filmi rejissor Ruslan Mollayev ekranlaşdırır. Filmdə xronoloji ardıcıllıqla Təbriz Xəlilbəylinin doğulduğu ailə, böyüdüyü mühit, tələbəlik illəri, 90-cı illərin abu-havası canlandırılır.

    Sənədli filmdə Təbriz Xəlilbəylinin ailə üzvləri, anası Firəngiz Ulutürk, həyat yoldaşı Sevinc Xəlilbəyli, Təbrizin yaxın qohumu, aktyor Kamran Yunis və Təbriz Xəlilbəylini yaxından tanıyan adamlar onun haqqında xatirələrini danışıblar. 

    Filmin mayın əvvəlində hazır olacağı müəyyən edilib. Çəkilişlər ADMİU-da aparılır. Qeyd edək ki, Milli Qəhrəman Təbriz Xəlilbəyli Mədəniyyət və İncəsənət Universitetinin məzunu olub. Sənədli filmin xronometrajı 35-45 dəqiqə həcmində olacaq.

    Xatırladaq ki, Təbriz Xəlilbəyli 1991-ci ildə könüllü olaraq cəbhəyə yollanıb. Xromord və Naxçıvanik kəndləri uğrunda gedən döyüşlərdə qəhrəmanlıq nümunəsi göstərib. 1992-ci il yanvarın 31-də Naxçıvanik kəndində qəhrəmancasına həlak olub.

    1992-ci il oktyabrın 8-də Azərbaycanın Milli Qəhrəmanı adını alıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi