Yuxarı
    Bağlamaq

    Bakıda "Open Innovations Startup Tour" innovasiya tədbiri keçiriləcək

    Tədbirin əsas təşkilatçısı qismində Rusiyanın Skolkovo fondu çıxış edir

    Bakı. 3 aprel. REPORT.AZ/ Bakıda ilk dəfə Rusiyanın "Skolkovo" fondunun "Open Innovations Startup Tour-2017" adlı innovasiya layihələrinə həsr edilmiş tədbir keçiriləcək. Fonddan "Report"a daxil olan məlumata görə, tədbir aprelin 16-17-də təşkil olunacaq.

    Fond qeyd edir ki, bu tədbir üçün Azərbaycan təsadüfi seçilməyib: "Yaxın illərdə ölkənin sosial-iqtisadi inkişafının əsas məqsədi innovasiya relslərinə keçiddir. Azərbaycan bunun öhdəsindən uğurla gəlir. Belə ki, 2016-cı ilin nəticələrinə görə, Azərbaycan MDB ölkələri arasında rəqabətqabiliyyətlilik reytinqində lider mövqeləri paylaşır. Məhz buna görə, Bakı Rusiyanın regionları və MDB-də texnoloji sahibkarlığın inkişafına yönəlmiş "Open Innovations Startup Tour-2017" regional roud-şou proqramına daxil olub".

    Layihə startap-komandaların seçimlərinin ilk dövründə ilk tədbir olacaq. Növbəti mərhələdə - iştirakçıların investorlara kommersiya üçün hazır məhsul təqdim edə biləcəkləri "Startup Village" konfransı və " Açıq innovasiyalar" forumu keçiriləcək.

    Müsabiqə proqramı üç - biotibb, sənaye və informasiya sahəsi üzrə layihələr təqdim edilə bilər.

    Qeyd edək ki, "Skolkovo" fondu artıq beşinci dəfədir Rusiya və MDB-də ən yaxşı startapların seçilməsinə dair illik və ən irimiqyaslı tədbir keçirir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi