"Azercell" bu gün şəbəkəsində yaranmış çətinliklərə münasibət bildirib

Bakı. 17 aprel. REPORT.AZ/ Azərbaycanın aparıcı mobil rabitə operatoru olan “Azercell Telecom” MMC bu gün şəbəkəsində yaranmış çətinliklərə münasibət bildirib.

Şirkətdən "Report"a verilən xəbərə görə, bu gün saat 12:00-14:15 radələrində həqiqətən də bəzi “Azercell" nömrələrində internet xidmətinin istifadəsində müvəqqəti çətinliklər olub. 

"Yaranmış halın aradan qaldırlması üçün təcili tədbirlər görülüb. Şirkət tərəfindən qısa müddət ərzində bu istiqamətdə tam normal əsaslarla xidmət göstərilməsi imkanı təmin edilib", - deyə "Azercell"in məlumatında qeyd edilib.