Yuxarı
    Bağlamaq

    ​Azərbaycanda telefon borcunu onlayn öyrənmək mümkündür

    Bunun üçün Elektron hökumət portalına daxil olmaq lazımdır

    Bakı. 28 avqust. REPORT.AZ/ Artıq rabitə xidmətlərinə görə borcun olub-olmaması haqqında arayışı əldə etmək üçün telefon qovşaqlarına müraciət etməyə ehtiyac yoxdur. Belə ki, "Elektron hökumət" portalının (www.e-gov.az) təqdim etdiyi "Rabitə xidmətlərinə görə borcun olmaması barədə arayış" elektron xidmətindən istifadə edərək rabitə xidmətlərinə görə borc barədə arayışı onlayn formalaşdırmaq mümkündür.

    Bu barədə "Report"a Rabitə və Yüksək Texnologiyalar Nazirliyinin mətbuat xidmətindən daxil olan məlumatda bildirilir.

    "Bunun üçün "Elektron hökumət" portalına girişinizin (kod/parol) olması kifayətdir. Təqdim olunan elektron arayışda sənədin nömrəsi, verilmə tarixi, vətəndaşın tam adı, qeydiyyatda olduğu ünvan, ünvanda qeydiyyatda olan telefon nömrəsi və hansı tarixə rabitə borcun olmaması barədə məlumat öz əksini tapacaq", - deyə Nazirlikdən qeyd ediblər.

    Arayışın həqiqiliyi QR-kod və ştrix kod ilə təsdiqlənir, mövcudluğu isə portal üzərindən "Elektron arayışların yoxlanılması" xidməti vasitəsilə yoxlanıla bilər.

    Qeyd edək ki, ötən ay ərzində "Elektron hökumət" portalı vasitəsilə "Rabitə xidmətlərinə görə borcun olmaması barədə arayış" elektron xidmətindən 1 064 dəfə istifadə edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi