“Apple” şirkəti sevilən musiqiləri təyin edən startapı satın alıb

Bakı. 15 oktyabr. REPORT.AZ/ “Apple” şirkəti, təqribən, 100 milyon dollara istifadəçilərin hansı musiqiləri daha çox dinlədiklərini təyin edən “Asaii” startapını satın alıb.

“Report” “Reuters”ə istinadən xəbər verir ki, bunun nəticəsində “Apple” istifadəçilərinə musiqi dinləməklə bağlı daha səviyyəli tövsiyələr vermək iqtidarındadır.

Süni intellekt və avtomatlaşdırma tədrisi əsasında texnologiyalar ərsəyə gətirib uğurla tətbiq edən “Asaii” startapı sosial şəbəkələrin, “Apple Music”, “Spotify”, “”YouTube”, “SoundCloud” kimi servislərin məlumatları əsasında ən sevilən musiqi ifalarını seçməklə yanaşı, az tanınan, amma istedadlı ifaçıları da tapa bilir.