Yuxarı

Azərbaycanın Müdafiə naziri “Beynəlxalq Ordu Oyunları - 2019” yarışlarının açılış mərasimində iştirak edib - YENİLƏNİB - VİDEO

V beynəlxalq Hərbi Oyunlar başladı

Moskva şəhərində səfərdə olan Azərbaycanın Müdafiə naziri, general-polkovnik Zakir Həsənov avqustun 3-də Alabino hərbi poliqonunda təşkil edilən “Beynəlxalq Ordu Oyunları-2019” yarışlarının təntənəli açılış mərasimində iştirak edib.

Bu barədə "Report"a Azərbaycan Müdafiə Nazirliyindən məlumat verilib.

Müdafiə naziri həmçinin Bütün Dünya Sülhməramlılarına həsr edilmiş heykəltaraşlıq kompozisiyasının açılış mərasimində iştirak edib.

Sonra general-polkovnik Z.Həsənov “Səhra mətbəxi” müsabiqəsinin iştirakçı ölkələrinin milli mətbəxlərinin xüsusiyyətləri ilə tanış olub və “Tank biatlonu” müsabiqəsinin birinci mərhələsinin çıxışını izləyib.

Qeyd edək ki, hərbçilərimiz ölkəmizdə keçirilən “Dəniz kuboku” ilə yanaşı Rusiyada “Tank biatlonu” və “Səhra mətbəxi”, Qazaxıstanda “Artilleriya atəşinin ustaları”, Belarusda “Snayper həddi” və Özbəkistanda “Hərbi-tibbi estafet” müsabiqələrində iştirak edirlər.


*** 16:10

Rusiyada avqustun 3-də Beşinci Beynəlxalq Hərbi Oyunlar başlayıb.

“Report” TASS-a istinadən xəbər verir ki, tədbirin açılış mərasimində Rusiyanın müdafiə naziri çıxış edib.

O bildirib ki, iki həftə ərzində 10 dövlətin ərazisində keçirilən bu yarışmada 39 ölkənin ən yaxşı mütəxəssisləri iştirak edir.

Qeyd edək ki, 10 dövlətin ərazisində 25 poliqonda 32 müsabiqəyə 36 ordunun 5 mindən çox hərbçisi qatılıb. Rusiyada 15 müsabiqə, o biriləri isə Azərbaycan, Belarus, Qazaxıstan, Özbəkistan, Monqolustan, Hindistan, İran, Çin və Ermənistanda keçiriləcək. Hindistan, Monqolustan və Özbəkistan yarışmaya ilk dəfə ev sahibliyi edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi