Yuxarı

Ağcabədidə tapılan tank əleyhinə mina zərərsizləşdirilib

Ağcabədidə tapılan tank əleyhinə mina zərərsizləşdirilib
Mina daşınması mümkün olmadığına görə partlayış yolu ilə yerində zərərsizləşdirilib

Bakı. 8 may. REPORT.AZ/ Ağcadəbi rayonu Muğanlı kəndi ərazisindən keçən Qarqar çayına baxış keçirilib, 1 ədəd tank əleyhinə mina (TM-62M) mina aşkar edilib, daşınması mümkün olmadığına görə partlayış yolu ilə yerində zərərsizləşdirilib, 1 500 kv.m ərazi yoxlanılıb.

bu barədə "Report"a Azərbaycan Respublikası Ərazilərinin Minalardan Təmizlənməsi üzrə Milli Agentliyindən məlumat verilib.

Ümumiyyətlə,  agentlik tərəfindən bu il yanvarın 1-dən mayın 8-dək Ağdam, Ağcabədi, Ağstafa, Füzuli, Şamaxı, Xızı, Beyləqan, Bərdə, Hacıqabul, Tovuz, Qazax, Yevlax, Daşkəsən, Salyan, Göygöl, Lənkəran və Cəbrayıl rayonları, Bakı, Lənkəran, Gəncə, Şirvan və Tərtər şəhərlərində 9 otlaq sahəsinə, 9 əkin sahəsinə, 1 hərbi hissənin yaxınlığına, 160 ev və həyətyanı sahəyə, 1 kənd orta məktəbinin həyətinə, bankın zirzəmisinə, su arxına, suvarma və drenaj kanalının ətrafına, dəniz və çay sahilinə, yol kənarına, yeni avtomobil yolunun çəkiləcəyi əraziyə, avtobaza ərazisinə, körpü ərazisinə, istirahət mərkəzinə, qəbirstanlığa, yaşayış binasının yaxınlığına baxış keçirilib, 5 618 ədəd partlamamış hərbi sursat, 115 ədəd tank əleyhinə mina və 13 ədəd piyada əleyhinə mina aşkar olunaraq zərərsizləşdirilib, 2 698 984 kv.m ərazi (583 545 kv.m əl ilə, 800 300 kv.m mexaniki üsulla, 113 000 kv.m SENSYS dərinlik ölçən cihazı və 1 202 139 kv.m minaaxtaran itlərin dəstəyi ilə) yoxlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi