Yuxarı

MN: “Beynəlxalq Ordu Oyunları - 2017”də Azərbaycan hərbçiləri Ermənistan nümayəndələrini xeyli üstələyir

MN: “Beynəlxalq Ordu Oyunları - 2017”də Azərbaycan hərbçiləri Ermənistan nümayəndələrini xeyli üstələyir
Müxtəlif yarışlarda güclərini sınayan hərbçilərimiz 28 ölkə nümayəndələri arasında yüksək göstəricilərə nail olublar

Bakı. 7 avqust. REPORT.AZ/ “Beynəlxalq Ordu Oyunları - 2017” çərçivəsində Azərbaycan hərbçiləri Ermənistan nümayəndələrini bütün istiqamətlərdə xeyli üstələyir.

Bunu “Report”un sorğusuna cavab olaraq Azərbaycan Müdafiə Nazirliyindən (MN) bildiriblər.  

Qeyd olunub ki, Azərbaycan hərbçilərinin “Beynəlxalq Ordu Oyunları - 2017” çərçivəsində keçirilən yarışlarda uğurlu çıxışı Silahlı Qüvvələrə ölkə rəhbərliyi səviyyəsində göstərilən diqqət və qayğının nəticəsidir.

"Sevindirici haldır ki, müxtəlif yarışlarda güclərini sınayan hərbçilərimiz 28 ölkə nümayəndələri arasında yüksək göstəricilərə nail olublar.

Qürurverici məqamlardan biri də odur ki, oyunların ilkin mərhələsinin nəticələrinə görə Azərbaycan hərbçiləri Ermənistan komandasını bütün istiqamətlərdə xeyli üstələyib.

Xüsusi ilə qeyd edək ki, tank ekipajları, snayperlərimiz və artilleriya heyətləri Ermənistan hərbçilərindən qat-qat yüksək nəticələr göstəriblər. Bu da hərbçilərimizin döyüş hazırlığının, peşəkarlığının, bilik və bacarıqlarının göstəricisidir", - Müdafiə Nazirliyindən bildiriblər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi