Yuxarı

Əlahiddə Ümumqoşun Orduda silah və texnikanın qış mövsümünə keçidi aparılıb

Əlahiddə Ümumqoşun Orduda silah və texnikanın qış mövsümünə keçidi aparılıb

Bakı. 24 oktyabr. REPORT.AZ/ Əlahiddə Ümumqoşun Orduda bütün növ silah və texnikanın istismarının qış mövsümünə keçidi aparılıb. 

Bu barədə "Report"a Əlahiddə Ümumqoşun Ordunun Mətbuat xidmətindən məlumat verilib.  

Əlahiddə Ümumqoşun Ordunun birləşmə və hissələri mərkəzləşdirilmiş qaydada yanacaq-sürtkü materialları, digər zəruri ehtiyat hissələri və avadanlıqlarla təmin edilib. Bütün növ silah və texnikalara texniki xidmət-2 həcmində qulluq göstərilib. Bu zaman texnikaların yanacaq-sürtkü materialları və filtrləri dəyişdirilib, hissə və mexanizmlərə planlı şəkildə qulluq göstərilib, elektrik və hidravlik sistemləri yoxlanılıb. Tankların və döyüş maşınlarının hərəkət hissəsinə, döyüş və güc bölmələrinə xüsusi qulluq göstərilib, bütün hərəkət hissələri yağlanıb, tırtıllar tarımlanıb, mühərriklərə yağ əlavə olunub, ehtiyac olanların isə yağı dəyişdirilib. Bütün fəaliyyətlər başa çatdıqdan sonra silah və hərbi texnikanın hər bir nümunəsinin təhlili aparılaraq nəticələr qiymətləndirilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi