Yuxarı

Abid Şərifov: "Hərbi sursatların təmizləmə əməliyyatı başlananadək 532 nəfər ölüb"

Abid Şərifov: "Hərbi sursatların təmizləmə əməliyyatı başlananadək 532 nəfər ölüb"
“Problemlərin aradan qaldırıması üçün peşəkar səviyyədə bu işlə məşğul olacaq qurum yaradıldı
© Report

Bakı. 26 sentyabr. REPORT.AZ/ “Azərbaycanda minalar və partlamamış hərbi sursatlarla bağlı iki istiqamətdə problemlər mövcuddur. Ermənistan silahlı qüvvələrinin işğalı altında olan və işğaldan azad edilmiş ərazilərdə mina partlamamış hərbi sursat problemləri keçmiş sovet ordusu Azərbaycanı tərk edərkən özündən sonra qoyduğu həri bazalar və hərbi poliqonlardır”.

“Report” xəbər verir ki, bunu Azərbaycanın baş nazirinin müavini Abid Şərifov “Ceyrançöl layihəsinin 3-cü mərhələsinin təqdimatı, Gələcəkdə Azərbaycanda İcra Olunacaq Etimad Fondu Layihələrinin Perspektivləri” mövzüsunda keçirilən tədbir zamanı deyib.

O bildirib ki, 1991-ci ildə baş vermiş yanğınlar və partlayışlar nəticəsində həmin ərazilərdə ətrafa səpələnən hərbi sursatların təmizləmə əməliyyatına başlananadək bir çox insidentlər baş verib, 532 nəfər həlak olub, 2401 nəfər müxtəlif dərəcəli bədən xəsarətləri alıb: “Problemlərin aradan qaldırıması üçün peşəkar səviyyədə bu işlə məşğul olacaq qurum yaradıldı. Bu günə kimi 45 min kvadratmetr ərazi minalardan təmizlənib. Eyni zamanda, 100 minlərlə mina və partlamamış hərbi sursat aşkar edilərək zərərsizləşdirilib. Saloğlu layihəsi çərçivəsində 640 mindən çox 240 müxtəlif növlü sursat zərərsizləşdirilib”. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi