Ukraynanın Nikolayev şəhərinin vilayət administrasiyasının binasına raket zərbələri endirilib

Ukraynanın Nikolayev şəhərinin mərkəzi bugün səhər saatlarında Rusiya silahlı qüvvələri tərəfindən raket zərbələrinə məruz qalıb.

“Report”un Şərqi Avropa bürosunun məlumatına görə, vilayət administrasiyasının binası dağıdılıb. Hazırda ərazidə axtarışlar aparılır, insan tələfatının olub-olmaması dəqiqləşdirilir.

Nikolayev vilayət qubernatoru Vitaliy Kim zərbələr zamanı binada olmayıb.

“Araşdırırıq, xilasetmə ilə məşğuluq. Bu dəhşətdir. Gözləyiblər ki, insanlar işə çıxsınlar və dərhal binanı vurublar. Mən yatıb qalmışdım. Bəxtim gətirdi. Bu dəfəlik", - Kim deyib.